Y4JM

"KATORSE"

.
.

Iba't ibang tao - nag-aaral, nagtratrabaho

Kung sabagay, kailangan daw magsikap sumweldo

Ano ba ang katuturan ko, gamit ko sa mundo?

Nawawala. Nagsusumamo. Ikaw ba, alam mo?

Madaling sabihing subukan ang maraming bagay.

Pagkain. Salapi. Alak at Yosi. O Tagumpay?

Ngunit bakit parang may kulang...wala kaming gabay!

Kumakalinga. Nagtuturo.Kasangga sa buhay.

Biglang may lumapit at tinanong ako, "gusto mo?"

May kilala akong makakapitan, kaibigan mo.

Magmamahal ng lubos, pakikinggan problema mo

Handa ka ba? Halika't dun tayo sa Antipolo.

Sige na, sumali ka sa aming indak at saya

Magbigay puri sa Diyos, lumundag at tumihaya!

Karanasan mo'y pakikinggan at di huhusgahan.

Bibigyan ng halaga at kayo'y pagsisilbihan.

Maraming kwento at kabi-kabilang karanasan

Tao din pala sila. lumuluha't nasasaktan

Naghahandog ng kanilang serbisyo sa baguhan

Ngunit kahit ganun pa man, pamilya ang turingan.

Isang umaga pa't nagbigay sila ng regalo

Handog nila'y nagpapataba ng puso kong gulo

Nagtipun-tipon na upang pagtibayin pa lalo

Pananampalataya at pag-ibig ko kay Kristo.

.

A poem (principal author : Mark Angelo De Leon) dedicated by SE 15 to SE 14,

including those who, in one way or another, helped in the Singles Encounter seminar

held last March 30 - April 1, 2007 in St. Michael Retreat House, Antipolo City.